کوردستان لەباوەت مووچەی فەرمانبەرەیل "نامەیگ تایبەت" ئەرا دادگای فیدراڵی کلکەێد

شەفەق نیوز/ سەرۆک حکومەت هەرێم کوردستان مەسرور بارزانی، ئمڕوو چوارشەممە، راگەیان نامەیگ تایبەت ئەرا دادگای فیدڕاڵی باڵا کلکردیە تایبەت وە مووچەی فەرمانبەرەیل هەرێم، یەیش لە وەختیگ وردەوردەیل  دارایی لەناوەین بەغداد و هەولێر هەس.

قسەکەر فەرمی حکومەت هەرێم، پێشەوا هەورامی لە بەیاننامەیگ رەسیە ئاژانس شەفەق نیوز وت، بارزانی لە میانەی گردەوبوین ئەنجومەن وەزیرەی کە ئمڕوو ئەنجامدریا دووپاتکرد "گرنگترین باوەت کە لەی گردەوبوینە بخرێدەروی دۆسیەی مووچەی فەرمانبەرەیل هەرێمە".

دیاریکرد، سەرۆک حکومەت وەرجە دوو رووژ نامەی تایبەتیگ ئەرا دادگای فیدڕاڵی کلکردیە تایبەت وە مووچەی فەرمانبەرەیل هەرێم، ئیرنگە چەوڕێکرێد دادگا وەی نزیکە گردەوبوین لەبان ئێ دۆسیە بکەێد.