کوشیان فەرماندەی گشتی سوپای پاسداران ئیران وە گورز ئیسرائیل لە تەهران
شەفەق نيوز/ میدیایەیل ئیرانی، شەفەق ئمڕوو جمعە، خەوەردان کە بارەگای گشتی سوپای پاسداران، لە تەهران پایتەخت، کەفتە وەر گورز ئیسرائیل، لە ئەنجامی حسێن سەلامی فەرماندەی سوپای پاسداران کوشیا، وەگەرد ئەو شەپوول گورزەیلە وەلایەن تەل ئەبیب کە یە چەن ساعەتیگە رەسیەسە قۆناغ دویەمی.
ئاژنس "تەسنيم" ئیرانی کوشیان حسێن سەلامی فەرماندەی سوپای پاسداران لەو پەلامارە وەبان بارەگای گشتی سوپای پاسداران لە تەهران راگەیان.
ئەو گورزەیل ئیسرائیلە، هەمیش بوینە مدوو کوشیان فەرماندەیلیگ لە سوپای پاسداران، هەرلە غولام عەلی رەشید تەهرانچیر و فەرەیدون عەباسی، وەگورەی خەوەرەیل تەلەڤزیۆن ئیرانی.
هەرلیوا، ئاژانس رۆیتەرز لە سەرچەوەیگ ئیسرائیلی مەزەنەی کوشیان شمارەیگ لە گەورە سەربازییەیل ئیران کرد، لەلییان سەرۆک ئەرکان، و گەورە زانایەیل ئەتۆمی.
هەرلیوا، تەلەڤزیۆن ئیرانی (نشانەی سیا) لە دویای ئەو گورزەیل ئیسرائیلە دانا، کە هیمان وەردەوامە، و دەسکردە دویەم پەلاماری.
