ئاژانس ناودەوڵەتی وزە پیسبوین تیشکدەر لە بنکەی ئەتۆمی نەتەنز ئیران توومار کەێد
شەفەق نیوز/ وەڕێوەبەر گشتیی ئاژانس ناودەوڵەتی وزەی ئەتۆمی، رافائیل گرۆسی، ئمڕوو چوارشەممە راگەیان: "زیایەیگ کەم" لە ئاست تیشک ئاسایی لە چوارچیوەی دەورگرد دامەزراوەی ئەتۆمی نەتەنز لە ئیران دەسنیشان کریاس.
لە چەوپیکەفتنیگ وەرد کەناڵ بلومبێرگ، گرۆسی وت: ئی زیایبوینە "هیچ رخدارییگ دەسوەجی لەبان دانیشتگەیل و ژینگە دروس نیەکەێد".
گرۆسی دووپاتیش کرد کە دامەزراوەی نەتەنز فرەترین زیان وەپی رەسیە، وە دەسنشانکردن پەلامارەیل ئی دویاییە لەلایەن ئیسرائیل لەبان دامەزراوە ئەتۆمییەیل لە ئران و ژیرخانی سەربازی و مەدەنی ترەک.
گرۆسی لە بەیاننامەیگ وەرژەیە ئمڕوو چوارشەممە ئەرا کەناڵ سی ئێن ئێن دووپات کرد کە "هیچ بەڵگەیگ نییە ئەرا تەقەلایل سیستماتیکی ئەرا پەرەپیدان چەک ئەتۆمی لە ئیران".
گرۆسی باس گرنگی پەلامارنەیان دامەزراوە ئەتۆمییەیل کرد چوینکە توەنێد لیکەفتن رخدار لەبان بیوەی ئەتۆمی و ئاسایش ناوچەیی و ناودەوڵەتی و دویای خوەی بارێد.
لەلاییگ ترەک، ماریا زاخارۆڤا قسەکەر وەزارەت دەیشت رووسیا باس ئەوە کرد کە هەڕەشەی ئەتۆمی لە خوەرهەڵات ناوڕاس تەنیا گریمانەیی نییە بەڵکم رەهەندیگ کردەیی هەڵگردگە.
