سێ پارچە شیعر
ئه‌ر گــۆڵ بکۆشن، ده‌م وه‌هاری بۆه‌سن
ئه‌ر ده‌ر‌وه‌چ بێ‌ده‌نڰ شه‌واری بۆه‌سن
ئـــــــاخم سروه‌س... گرێدنه‌و وه‌ر دنــیــا
ئــه‌ر ده‌ور م سیم خــــارداری بـۆه‌سـن
محمد مرادی نساری
وەتم وهار باێ
ئەر ت° بای!
کڵاشەگەم ئەڵکیشم لە پا
وەر نەیم ورەو وڵات خۆەشی
تاوە کەیم لە قەێ چەفتەێ مانڰ نوو
چنیمەو چەپ‌چەپ هسارە لە ڕێ کاوە
لە باوش گریمن گۆڵەیل دووڵ...
وەلێ وهار هات‌و ت ناتی...!؟
م مەنم‌و ئاسمان دڵگیرێ لە ئەور
م مەنم‌و واران ڕفت لە سەر بۆار
م مەنم‌و دەیشتەیل چووڵ ...
وحید پرهون
پەنشەمە هات‌و داخەیل کەفتەو هۊر
وە ڕەسم جــــاران لە ساڵەیل دۊر
ئـــــمڕوو ڕووژ دەردە دارانە
ڕووژ سەرەو دان وە نازارانە
هەرکەس ها مەزار، یەێ داخێ دێرێ
ڕووژ پەنشەمە، نیـــەچوو لە هۊرێ
لە یەێلا چەمەر، لە یەێلا شیینە
نووڕی وە هەرکە، زارو خەمیینە
چەن ئاخ‌و چەن داخ، چەن پیرو جووان
لە باوش مـــــەزار، سەر نانە وە سان؟!
خۆدا هەێ هاوار لەێ گۆڵوو باخە
کی کوو کردێە ئێ هەمگە داخە؟!
غفار مرادپور
